*ഇമ്രാൻ*...*കരളലയിപ്പിക്കുന്നു* *മോനെ* 

(ജംഷീദ് അട്ക്കം )

അറിയാതെ തന്നെ കവിൾത്തടത്ത് കണ്ണീരിന്റെ നനവ് പ്രത്യക്ഷപ്പെട്ടിരിക്കുന്നു...
എന്തോ പല ചിത്രങ്ങൾക്കും ലൈക്കടിക്കുമ്പോൾ ഈ ചിത്രം എന്റെ ഹൃദയത്തെ ഏറെ നൊമ്പരപ്പെടുത്തി....
കുഞ്ഞു മനസ്സുകളെ കാണുമ്പോൾ എന്തൊരു വാത്സല്ല്യമാ നമുക്ക്...ആ കുഞ്ഞു കവിൾത്തടത്തിലേക്ക് ഒരു പൂ മുത്തം നുകരാൻ കൊതി തോന്നും...

ലോക മനസാക്ഷിയെ കരയിപ്പിച്ച ഐലൻ മോന്റെ ആ ചിത്രം കണ്ടു ഇനിയൊരിക്കലും ഇത് കാണരുതെ എന്ന് പ്രാർത്ഥിച്ചിരുന്നു ..പക്ഷെ...

പൊട്ടിത്തെറിക്കുന്ന ബോംബുകൾക്ക് ഉള്ളിൽ നിന്നും കലാപ കലുഷിത മണ്ണിൽ നിന്ന് സിറിയാൻ ജനതക്കപ്പുറം ലോകത്തെ വേദനിപ്പിക്കുന്ന ഇമ്രാൻ മോന്റെ ചിത്രം ആരുടെയോ കാമറ കണ്ണുകളിൽ നിന്ന് നമ്മെ തേടിയെത്തി...

ഈ മോൻ എന്ത് ചെയ്തിട്ട ഇത്.രക്ത്തക്കറകൾ പുരണ്ട ആ പൂ മുഖം കാണുമ്പോൾ ഒന്ന് ചോദിച്ചു പോകും...
എത്രയോ ബാല്യങ്ങളുടെ നൊമ്പരപ്പെടുത്തുന്ന കഥകൾ ആ ചിത്രം വരച്ചു കാട്ടുന്നു ....
ആറാം നൂറ്റാണ്ടിലെ ആ കാട്ടറബികൾക്ക് മുന്നിൽ എന്റെ തിരു നബി കാട്ടിത്തന്ന സ്നേഹത്തെ ഞാൻ ഓർത്ത് പോകുന്നു...
കുഞ്ഞു മക്കളെ പോലും നെഞ്ചോട് ചേർത്ത് വെക്കാത്ത ആ ജനതക്ക് തുല്യമാണോ ഈ മരവിച്ച മനസ്സുകൾ...
നമുക്ക് പ്രാർത്ഥിക്കാം,ഇതൊരു ഒടുക്കമാവാൻ..ഇനിയൊരു ചിത്രം നമ്മെ തേടി എത്താതിരിക്കാൻ...

(ജംഷീദ് അട്ക്കം