കുളിരാണ് മഴ

കുളിരാണ് മഴ

ജംഷീദ് അടുക്കം

ജൂണിലെ ആ പുലരിയിൽ മഴ പെയ്യുന്നുണ്ടായിരുന്നു ,
അറിവിന്റെ അക്ഷര മാലകൾ നുകരാൻ ഞാൻ പോയിരുന്ന കാലം ,
നീല പാന്സിന്റെ കാലുകളെ മേൽപ്പോട്ട് കയറ്റി ,
പുസ്തകങ്ങളെ പ്ലാസ്റ്റിക് കവറിലാക്കി ബാഗിനെ
നെഞ്ചോട് ചേർത്ത് ,
ഒരു കയ്യിൽ പോപ്പിക്കുടയും , മറു കയ്യിൽ ടിഫ്ഫിൻ ബോക്സും....
കുളിരായിരുന്നു ആ മഴക്കാലത്തിനു ....

***
തിരിഞ്ഞു നോക്കുമ്പോൾ , ഇന്നലകളിലെ ഓരോ കുസൃതികളും
ഇന്നൊരോർമ്മയാവുകയാണ് ...
തിരിച്ചെടുക്കാനാവാത്ത ഒരോർമ്മ ,

കന്നിപ്പായം ഒരു മധുരമായിരുന്നു...
കഴിച്ചാൽ നാവ് നീല നിറത്തിലാവും
നിറഞ്ഞ കാടുകൾക്കിടയിൽ മിന്നാ മിന്നി പോലെ
മിന്നുമായിരുന്നു ആ കറുത്ത പഴം, ..
ഇന്നിപ്പോ - പോയി മറഞ്ഞു ...
ആ കാടുകളിൽ ഇന്നോരോ വില്ലകളാണ്...

***
ഇന്നത്തെ ന്യൂജെൻ കാണാത്ത പോയ കാലം
രസകരമായിരുന്നു ,
ടാബും , മൊബൈലും കൊണ്ട് സ്മാർട്ട് ആകാത്ത കാലം ...

ചാറ്റൽ മഴയെ ആസ്വദിച്ചത് അന്നായിരുന്നു ,
തോടുകളിലേക്ക് തോർത്തുമായി കുട്ടുകാരൊപ്പം
മീൻ പിടിക്കാൻ ചെന്നതും ,
അതിൽ കുടുങ്ങിയ തവള കുഞ്ഞുങ്ങളെ കുപ്പിയിലിട്ടതും,
ഷോകേസിനെ മിനി എക്ക്വേറിയം ആക്കിയതും ..

****
ഓരോ മഴക്കാലവും അറിയാതെ തന്നെ ആ -
ബാല്യ കാലത്തേക്ക് കൊണ്ട് പോവുകയാണ് ,
മഴ നനഞ് കടലാസ് തോണി യിൽ കളിച്ചതും ,
മാവിൻ ചുവട്ടിൽ മധുരിക്കുന്ന മാമ്പഴത്തിനായി
കാത്തിരുന്നതും ,
മെസ്സിയും റൊണാൾഡോയും കാണാത്ത ഫുട്ബോൾ
അന്ന് ആ ചെളിപൂണ്ട വയലിൽ കളിച്ചതും,
തിമിർത്ത് പെയ്യുന്ന മഴ പറയുന്ന കഥകളത്രെ ...

സൗഹൃദം

സൗഹൃദം

ജംഷീദ് അടുക്കം www. kasargodtimes.com

ഏത് കാണാമറയത്തിരുന്നാലും നിങ്ങളുമായുള്ള സൗഹൃദം ശ്രുതി ശുദ്ധമായ സംഗീതം പോലെയാണ് … ചങ്ങായി എന്നാ നാടന്‍ മലയാള വാക്ക് സൗഹൃദത്തിന്റെ സര്‍വ്വസ്വവുമായി ഇന്നും നില നില്‍ക്കുന്നു. ചങ്ങാതി നന്നായാല്‍ കണ്ണാടി വേണ്ട എന്നാ ചൊല്ല് വെറും ചൊല്ലായി മാത്രമുള്ളതല്ല. സൗഹൃദം പുളകം വിരിയുന്ന സ്‌നേഹത്തിന്റെ പൂവാണ്. പരസ്പരമുള്ള കരുതലിന്റെ കഥയാണ് ,

അവര്‍ അടുത്ത് ഉണ്ടാവുമ്പോഴും ഇല്ലാത്തപ്പോഴും മനസ്സില്‍ സന്തോഷവും സങ്കടവും തോന്നും, പിണങ്ങി പിരിഞ്ഞു നീ എന്നില്‍ നിന്ന് എത്ര ദുരം പിന്നിടണം. കണ്ണിമ വെട്ടാതെ ഞാനെത്ര നേരം നോക്കി നില്‍ക്കണം.

മനസ്സിന്റെ കോണിലെവിടെയോ ഓര്‍മ്മകളുടെ സൗഹൃദത്തിന്റെ റോസാപ്പൂക്കളാണ്. ഓരോ ഇതളുകളും ഓരോ കൂട്ടുകാരനും കുട്ടുക്കാരിയുമാണ്. എന്റെ ഹൃദയത്തോട് ഞാന്‍ ആ ചുവന്ന റോസാപ്പൂക്കളെ ചേര്‍ത്തുവെക്കുന്നു. ജീവനില്ലാത്ത ആ കടലാസ്പൂവ് ഒരു നാള്‍ എന്റെ ഹൃദയത്തിന്റെ തണുപ്പില്‍ ജീവിക്കും. ഒരു പക്ഷെ ഞാന്‍ തനിച്ചായിരിക്കും. സൗഹൃദം ഓര്‍മ്മയില്‍ മാത്രമൊതുങ്ങി നില്‍ക്കുന്നുവോ ?
ആ കടലാസു പൂവ് ജീവിതത്തിലെ മുറിവുകളുടെ വസന്തത്തെ കുറിച്ച് ഒരു നാള്‍ സ്വപ്നം കാണും.അങ്ങനെ ഒരു പാടൊരുപാട് ഓര്‍മ്മകള്‍ കടന്നു പോവും. രക്ത ബന്ധമാണോ സൗഹൃദമാണോ വലുത് എന്നാ ചോദ്യം ചരിത്രം മുതലേ നില നില്‍ക്കുന്നതാണ്. ‘സൗഹൃദം ‘ എന്ന് സംശയമില്ലാതെ തന്നെ പറയാനാവുന്നതാണ് രക്ത ബന്ധത്തില്‍ പോലും നല്ല സൗഹൃദങ്ങള്‍ ഉണ്ടാവാറുണ്ട്. ഞാന്‍ നയിക്കാം എന്നതിലല്ല, നമുക്കൊന്നിച്ച് നില്‍ക്കാമെന്നതിലാണ് സൗഹൃദം .

സൗഹൃദങ്ങളില്‍ വലിപ്പം ചെറുപ്പങ്ങളില്ല രണ്ടു ശരീരവും ഒരു മനസ്സുമായി മാറുന്നു. മനസ്സ് കൊണ്ട് അടുക്കുന്നതാണ് യഥാര്‍ത്ഥ സൗഹൃദം.
ക്യാമ്പസുകളിലെ സൗഹൃദംതന്നെ ഉദാഹരണമായി എടുക്കാം ഏത് കഷ്ടതയിലും വിഷമത്തിലും സന്തോഷത്തിലും പങ്ക് കൊള്ളുന്ന കൂട്ടുകാര്‍.
വര്‍ഷങ്ങള്‍ കഴിഞ്ഞ് പിരിയേണ്ടി വരുന്ന സൗഹൃദങ്ങള്‍.ഒരു പക്ഷെ ആ സൗഹൃദം നില നില്‍ക്കാം, നില നില്‍ക്കാതിരിക്കാം. ക്യാമ്പസിന്റെ ഓരോ കോണുകളും ആ സൗഹൃദത്തില്‍ പങ്ക് ചേര്‍ന്നിട്ടുണ്ടാവും ക്യാമ്പസിന്റെ ചുവരുകള്‍ക്ക് ഒരാത്മാവും കണ്ണുംകളും ഉണ്ടായിരുന്നെങ്കില്‍ ആ സൗഹൃദത്തിന്റെ വേര്‍പാടില്‍ ഒന്ന് പൊട്ടിക്കറിഞ്ഞേനെ.
പരസ്പരമുള്ള കരുതലും വിശ്വാസവും തന്നെയാണ് സൗഹൃദത്തിന്റെ അടിസ്ഥാനം. സൗഹൃദങ്ങള്‍ നിഘണ്ടുവില്‍ നിലനില്‍ക്കുകയില്ല , അത് അതിരുകളില്ലാത്ത സാഗരങ്ങളാണ്. അതില്‍ ആര്‍ക്കും അലിഞ്ഞു ചേരാം സൗഹൃദം ഇല്ലാത്തവരായി ആരും തന്നെ ഉണ്ടാവുകയില്ല , അങ്ങനൊരു ജീവിതം പ്രസക്തമാണോ ?
തുറന്നിടുക സൗഹൃദ ജാലകങ്ങള്‍…പറന്നുയരട്ടെ അതിലൂടെ വര്‍ണ്ണ ചിത്ര ശലഭങ്ങള്‍. കാണുന്ന സ്വപ്നമല്ല സൗഹൃദം. നക്ഷത്രങ്ങളിലെ പ്രകാശമല്ല സൗഹൃദം. ഹൃദയത്തില്‍ ഹൃദയം തൊട്ട് അറിയുന്ന വികാരമാണ് സൗഹൃദം

ലോകമേ കണ്ണ് തുറക്കൂ…

ലോകമേ കണ്ണ് തുറക്കൂ…

(2016 ഡിസം 23 )

ജംഷീദ് അടുക്കം

www.kasaragodtimes.com എഴുതുമ്പോൾ കൈയ്യിലെ പേന ഇടറുന്നത് പോലെ, കവിൾ തടത്തിലൂടെ കണ്ണ് നീരിന്റെ നനവ് അനുഭവപ്പെടുന്നത് പോലെ, സഹിക്കാനാവുന്നില്ല. വാട്സാപ്പിലൂടെയും മറ്റു മാധ്യമങ്ങളിലൂടെയും കടന്നു വെരുന്ന ഓരോ ചിത്രങ്ങൾ മനസ്സിനെ വല്ലാതെ വേദനിപ്പിക്കുകയാണ്, മുസ്ലിമായി ജനിച്ചത് കൊണ്ട് മാത്രം ഇത്ര അധികം പീഡനം സഹിക്കുന്ന ഒരു സമൂഹം , മനുഷ്യത്ത്വം മരവിച്ച കാട്ടളന്മാർ ഒരു ജനതയെ തന്നെ വംശീയ ഉന്മുലനത്തിന് വിധേയമാക്കുകയാണ്,(JAMSHEED ADKAM )
ഒരു ഭാഗത്ത് മ്യാൻമറിലെ ആറാക്കൻ ജില്ലയിലെ പാവം റോഹിങ്ക്യൻ മുസ്ലീങ്ങൾ മറു ഭാഗത്ത് സിറിയയിലെ അലോപ്പൊൻ മേഖലയിലെ ജനത.ആരെയും കരളലയിപ്പിക്കുന്ന വാർത്തകളും ചിത്രങ്ങളും കാണുമ്പോൾ അറിയാതെ മനസ്സൊന്ന് ചോദിച്ചു പോകുന്നു, എന്തെ ലോകം ഇത് കാണാൻ ഇത്ര വൈകുന്നതെന്ന് ?

ആദ്യം ഇസ്‌ലാമിക ഭരണം നില നിന്നിരുന്ന മേഖല പിന്നെ ബൗദ്ധ മതക്കാരുടെ അതീനതയിൽ അകപ്പെടുകയും ഇടക്കാലത്ത് ബ്രിട്ടീഷ് കോളനിവൽക്കരിച് ഭരണം സ്ഥാപിച്ചു, പിന്നീട് സ്വതന്ത്ര രാഷ്ട്രമായ ബർമ്മ ( മ്യാന്മാർ )ബുദ്ധമതക്കാരുടെ രാഷ്ട്രമായി മാറി. ചരിത്രങ്ങളിലൂടെ കടന്നു പോകുമ്പോൾ കാലങ്ങളോളമായി മ്യാൻമറിലെ മുസ്ലിങ്ങൾ വേട്ടയാടപ്പെടുന്ന <JAMSHEED ADKAM> ചിത്രം കാണാനാകും,ന്യുന പക്ഷ വിഭാഗത്തിന് നാട്ടിലെ പൗരത്വം പോലും നൽകാൻ മ്യാൻമർ ഭരണ ഗൂഢനത്തിനു സാധിച്ചിട്ടില്ല.

1991 ൽ സമാധാനത്തിനു നോബൽ സമ്മാനം നേടിയ ആൻ സാങ് സൂ കി പോലും തന്റെ നാട്ടിലെ റോഹിങ്ക്യൻ ജനതയെ നിയമപരമായ ചട്ട കൂടിനെതിരായി ഒന്നും ചെയ്തിട്ടില്ല എന്ന പ്രസ്താവന പുറത്തിറക്കുമ്പോൾ, പാവം കുഞ്ഞു പൈതങ്ങളെ ചുട്ടു കൊല്ലുന്നതും, സ്ത്രീകളെ പീഡിപ്പിച്ചു കൊല്ലുന്നതും, പച്ച മനുഷ്യന്റെ ഓരോ അവയവങ്ങളെ മുറിച്ചു മാറ്റി മുസ്ലിം ജന വിഭാഗത്തെ ഉൻമൂലനം ചൈയ്യുന്നതുമാണോ നിയമം എന്ന് ആലോചിച്ചു പോവുകയാണ്.

2012ലാണ് മ്യാന്മറിലെ പടിഞ്ഞാറന്‍ മേഖലയായ രാഖൈനിലെ റോഹിങ്ക്യകള്‍ക്കെതിരെ ബുദ്ധതീവ്രവാദികളുടെ ആക്രമണം രൂക്ഷമാക്കുന്നത്, വിവിധ കോണുകളിൽ നിന്ന് ശബ്ദമുയരുമ്പോഴും അതെവിടെയും എത്താതെയായി മാറുന്നു, കൂട്ട വംശഹത്യയാണ് നടക്കുന്നതെന്ന് ആരോപിച്ചു മലേഷ്യൻ പ്രധാന മന്ത്രി നജീബ് റസാഖ് പ്രതേക വിഷയം അവതരിപ്പിച്ചപ്പോൾ കരഞ്ഞു പോയിക്കാണും.

ഈ ജനതയെ രക്ഷിക്കാൻ നാഥന്റെ മുന്നിലേക്ക് കയ്യുയർത്തി തെങ്ങുകയാണ് പലരും, ആസിയാൻ രാജ്യങ്ങളുടെ ചർച്ച വിളിച്ചു ചേർത്തതിനിടയിൽ ലോകത്തെ ഏറ്റവും വലിയ മനുഷ്യ അവകാശ സംഘടനയായ ആംനെസ്റ്റി കണ്ണ് തുറന്നിട്ടുണ്ട്…ആശ്വാസമേകാൻ ഇവർക്ക് സാധിക്കുമെന്ന് പ്രതീക്ഷിക്കാം...

2017 സെപ്റ്റംബർ 04 

ഒടുവിൽ ആ പ്രതീക്ഷയും കൈയൊഴിഞ്ഞു , 

അസഹ്യമാണ് , ഇവർ കാട്ടാളന്മാർ,  അല്ല അതുക്കും മേലെയാണ് ....
മുത്തശ്ശി പത്രം കണ്ണ് തുറന്നില്ലെങ്കിലെന്തെ ലോകം കയ്യുയർത്തുന്നു ആ സഹാദരങ്ങൾക്കായി...
മ്യാന്മാർ കരയുകയാണ് , .
നാഥാ നീ യാണ് അത്യുന്നതൻ ,
പ്രാർത്ഥനയെന്ന  വജ്രായുധവുമായി ഞങ്ങൾ നിന്നിലേക്ക്  കൈകൾ ഉയർത്തുന്നു ,
നീ സഹായിക്കേണമെ...

(ജംഷീദ് അടുക്കം)