ഉമ്മ ഒരു അത്ഭുതമാണ്, അത്ഭുതമെന്നാൽ ഉമ്മയും...
ദൈവത്തിന്റെ സൃഷ്ടികളിൽ മാതാവിനെകാൾ വലിയ അത്ഭുതം എന്താണുള്ളത്, പെറ്റുമ്മ പകരുന്ന വികാര വായ്പ്പുകളുടെ സ്വർഗീയ അനുഭൂതിക്ക് സമം നിൽക്കുന്ന മറ്റു സ്നേഹ പ്രകടനകളുണ്ടോ... ?
http://www.kumblavartha.com/2018/03/jamsheed-adkam-article.htmlഉമ്മ ഒരു അത്ഭുതമാണ് , അത്ഭുതമെന്നാൽ ഉമ്മയും...
ജംഷീദ് അടുക്കം
"അമ്മ എന്നുള്ള രണ്ടക്ഷരമാണ്-
മിണ്ടിത്തുടങ്ങുവാൻ വെമ്പുന്ന കുഞ്ഞിന്റെ -
പിഞ്ചിളം ചുണ്ടിന്മേൽ അമ്മിഞ്ഞ പാലിനൊപ്പം
നിറയുന്നത് "
ഉമ്മ കനിവിന്റെ കടലാണ് , ആർദ്രതയുടെ ആകാശമാണ് , അനുകമ്പയുടെ പ്രവാഹമാണ് , സംരക്ഷണത്തിന്റെ ഉരുക്കു കോട്ടയും ,
സ്നേഹത്തിന്റെ പച്ചത്തുരുത്താണ് ,
ഉമ്മയുടെ കണ്ണുകളിൽ കാരുണ്യം ന്രത്തം ചെയ്യുന്നത് കാണാം ,
ആ കാലിടങ്ങളിലാണ് സ്വർഗം പതിയിരിക്കുന്നത് ,
ഉമ്മയുടെ ഓരോ പുഞ്ചിരികളിലും സ്നേഹ സാഗരം തിരയടിക്കുന്നത് പോലെ ,
ആശ്ലോശങ്ങളിൽ ദുഃഖങ്ങൾ പെയ്തിറങ്ങുന്ന പോലെ ....
മാതാവിനെ കുറിച്ചുള്ള വർണ്ണകൾക്ക് മുമ്പിൽ വാക്കുകൾ മുട്ട് മടക്കും , ഭാഷകൾ ശിരസ്സ് നമിക്കും ...
സത്യം ....
ഉമ്മ ഒരു അത്ഭുതമാണ് , അദ്ഭുതമെന്നാൽ ഉമ്മയും ,
ദൈവത്തിന്റെ സൃഷ്ടികളിൽ മാതാവിനെകാൾ വലിയ അത്ഭുതം എന്താണുള്ളത്
പെറ്റുമ്മ പകരുന്ന വികാര വായ്പ്പുകളുടെ സ്വർഗീയ അനുഭൂതിക്ക് സമം നിൽക്കുന്ന മറ്റു സ്നേഹ പ്രകടനകളുണ്ടോ ?...
മാതൃ വാത്സല്യം നിഷ്കളങ്കതയുടെ പത്തര മാറ്റ് ഉൾചേർന്നതാണ് ,ആ ഉമ്മ നൽകുന്ന മാപ്പിന്റെ ഹൃദയ വിശാലത ആരിൽ നിന്നെങ്കിലും പ്രതീക്ഷിക്കാമോ ?
നീണ്ട പത്തു മാസം ഉമ്മ സഹിച്ച വേദനക്ക് തുല്യം എന്താണ് നൽകാനാവുക ?
അതിഥിയായി എത്താറുള്ള അസുഖങ്ങൾ ...ശാരീരിക അസ്വസ്ഥകൾ , മാനസിക സംഘർഷങ്ങൾ , ഭയപ്പാടുകൾ ...
ഗർഭസ്ഥ ശിശുവിനെ ബാധിക്കുമെന്ന് ഭയന്ന് സ്വന്തത്തിന്റെ രോഗ ചികിത്സകൾ മാറ്റി വെക്കൽ , സാധാ ഭാരവും പേറിയുള്ള നടത്തം ....
ആഗ്രഹിക്കും പോലെ ഉറങ്ങാനോ , തിരിഞ്ഞും മറിഞ്ഞും കിടക്കാനോ ശരിക്കൊന്നിരിക്കാനോ പ്രിയപ്പെട്ട ഉമ്മയ്ക്ക് സാധിച്ചിട്ടുണ്ടോ , ആ കഷ്ടതക്കൾക്ക് പകരം നൽകാൻ ഒന്നുമെ ഇല്ലതന്നെ.
ഛർദികൾ , വേദനകൾ , ശ്വാസ തടസ്സങ്ങൾ ....പല തര പരിശോധനകൾ...അങ്ങിനെ മാസം അടുത്തെത്തിയാൽ മരണ സമാനമായ വേദന ...
ഉമ്മ നിങ്ങൾ ഒരു മഹാത്ഭുതം തന്നെയാണ് ....
"അവശതയ്ക്കു മേൽ അവശത സഹിച്ചു കൊണ്ടാണ് അവന്റെ മാതാവ് അവനെ ഗർഭം ചുമന്നത് , രണ്ടു വര്ഷം അവനു മുലയൂട്ടിയും കഴിയുന്നു "വിശുദ്ധ ഖുർആനിലെ തിരു വചനം മനുഷ്യനെ ത്വരിതപ്പെടുത്തുന്ന സംഗതികളുടെ ഗൗരവത്തെയാണ് വിവരിക്കുന്നത് ,
മരണ വക്രതയിൽ കിടന്നും ഉമ്മ കുഞ്ഞിന് പാലൂട്ടും , തന്റെ പട്ടിണിക്കു മീതെ മാതാവ് മക്കൾക്ക് തീപുട്ടും , തന്റെ സുഖ നിദ്രകൾ അവരുടെ അസുഖ രാത്രികൾക്ക് വീതിച്ചു കൊടുക്കും,
അവരുടെ വേദനകൾ ഒന്നിച്ചെടുത്ത് കടിച്ചിറക്കി മധുരിക്കുന്ന ചുടു മുത്തങ്ങൾ പകരം കൊടുക്കും ,
മക്കളുടെ കരച്ചിൽ ഉമ്മയുടെ മാറിൽ നിലവിളിയാണ് , മക്കളുടെ മ്ലാന മുഖങ്ങൾ അവരുടെ കണ്ണിൽ മാരക രോഗങ്ങളും ,
ജീവിതത്തിലെ ഏറ്റവും സുരക്ഷിതമായ ഒരിടം , അത് ഉമ്മയുടെ മടിത്തട്ടാണ് ,
പ്രവാസ മണ്ണിലെത്തിയ പ്രിയ സുഹൃത്ത് പറഞ്ഞ വാക്ക് എന്നെ ഏറെ വിസ്മയിപ്പിച്ചു , ഡാ ഈ നഗരങ്ങൾക്ക് എത്രെ തന്നെ മനോഹാരിത ഉണ്ടങ്കിലും നമ്മുടെ ഉമ്മയുള്ള വീട് പോലെ ആകുലല്ലോ ?
സത്യത്തിൽ അതൊരു വിളക്കല്ലെ....
ഉമ്മ ഉണ്ടാക്കി തെരുന്ന ഭക്ഷണത്തിന്റെ രുചി ഏത് സ്റ്റാർ ഹോട്ടലിൽ നിന്നാണ് ലഭിക്കുക , ഉമ്മയുടെ താരാട്ട് പാട്ടിനു പകരം ഏത് പാട്ടിനെയാണ് ഇഷ്ട്ടപെടെണ്ടത് ?
കുഞ്ഞു നാളിൽ ഹോംവർക്കും ചെയ്ത് ഏതെങ്കിലും മുലയിലായിരിക്കും കിടന്നുറങ്ങേണ്ടി വരുന്നത് , എന്നാൽ ഉണരുമ്പോൾ കിടക്കയിലായിരിക്കും , ഉറക്കത്തിൽ വാരിയെടുത്ത് ഉണർത്താതെ മെത്തേയിലേക്ക് കൊണ്ട് പോകുന്ന ആ കരങ്ങളെ എത്രെ തന്നെ പുകഴ്ത്തിയാലും മതി വരികയില്ല,
കാത്തിരിക്കാനും , കാവലിരിക്കാനും കരുണയോടെ തലോടി സാന്ത്വനിപ്പിക്കാനും ഉമ്മയല്ലാതെ നമുക്കാരുണ്ട്?
എന്നും മക്കളുടെ സന്തോഷം മാത്രം സ്വപ്നം കാണുന്നവരാണ് ഓരോ ഉമ്മയും , എത്രെ വലുതായാലും മകന്റെ വേദന ഉമ്മയ്ക്ക് താങ്ങാവുന്നതിലുമപ്പുറമാണ്, സമകാലീന ചുറ്റുപാടിൽ അധർമ്മത്തിനടിമപ്പെടുന്ന ഓരോ മക്കളും വേദനിപ്പിക്കുന്നത് പ്രതീക്ഷയോടെ പോറ്റി വലുതാക്കിയ ഉമ്മയെയാണ് ,
കഞ്ചാവിനും മയക്കുമരുന്നിനും അടിമപ്പെട്ട മക്കളെ ഓർത്ത് വിലപിക്കുന്നത് പ്രസവ വേദന പോലും സഹിച്ച് സന്തോഷിച്ച ആ ഉമ്മയാണ് ,
ആശുപത്രിയുടെ ലേബർ റൂമിനരികിൽ ഒന്ന് സഞ്ചേരിക്കേണ്ടി വന്നാൽ , അവിടം കാണാം മറ്റൊരു അത്ഭുതത്തെ ,അപ്പോഴെല്ലാം നമുക്കോർമ്മ വെരും നമ്മുടെ സ്വന്തം വാപ്പയെ ,
പ്രതീക്ഷയോടെ പ്രാർത്ഥനകളാൽ ചുണ്ട് പതിയെ പതിയെ ചലിക്കുന്നുണ്ടാവും ,സന്തോഷ വാർത്തയെ കാത്തിരിക്കുകയാണവർ ,
ലേബർ റൂമിന്റെ വാതിലിനരികിൽ ചാരി നിന്ന് ഇടയ്ക്കിടെ പുറത്തു വരുന്ന നേഴ്സ് മാരോട് ചോദിച്ചറിയും ഉമ്മയുടെ സുഖവും , പ്രസവിച്ചോ എന്ന ചോദ്യവും ,
അവസാനം ലഭിക്കുന്ന സന്തോഷ വാർത്തയിൽ അതിരുകളില്ലാതെ ആഹ്ലാദിക്കാൻ വാപ്പക്കാലത്തെ മാറ്റാർക്കാണ് സാധിക്കുന്നത് , ആ ചുടു ചുംബനമാണ് യദാർത്ഥ സ്നേഹത്തിന്റെ മുദ്ര ...,
blog: jamsheedadkam.blogspot.ae
f/ b :https://www.facebook.com/jamshi.adka
