പേര് പോലെ മഹിമയുണ്ട് ഈ നേതാവിൽ 

പ്രാവാസ ജീവിത തുടക്കം മുതൽക്കേ ഞാൻ കേട്ട് പരിചയപ്പെട്ട നേതാവ്
അടുത്തറിയുന്തോറും എന്നെ ഏറെ വിസ്മയിപ്പിച്ച് കൊണ്ടേയിരുന്നു .
അബ്ദുൽ സലാം കന്യപ്പാടി എന്ന ഞങ്ങളുടെ സ്വന്തം സലാംച്ചയെ കുറിച്ചാണ് ഞാൻ വിവരിക്കുന്നത് ...

ചിലർ അങ്ങിനെയാണ്, നമ്മുടെ ജീവിതത്തിൽ നാമറിയാതെ തന്നെ നമ്മുടെ മനസ്സിൽ അവർ ഒരു സ്ഥാനം പിടിച്ചിട്ടുണ്ടാകും,
അത് ഒരുപക്ഷെ സ്വഭാവ മഹിമ കൊണ്ടായിരിക്കാം , നന്മയുള്ള പ്രവർത്തങ്ങൾ കൊണ്ടായിരിക്കാം,സദുപദേശങ്ങൾ കൊണ്ടായിരിക്കാം അതുമല്ലെങ്കിൽ
ഒരു ചെറിയ പുഞ്ചിരി കൊണ്ട് കൊണ്ടായിരിക്കാം ...
ഇവിടെ ഞാനേതാണ് എടുത്ത് പറയേണ്ടത് ?
സലാംച്ചയെ കുറിച്ചെഴുതുമ്പോൾ എല്ലാം സമ്മേളിച്ചിട്ടുണ്ട് പ്രിയ നേതാവിൽ .

എന്നും പുഞ്ചിരി പ്രസന്നമായ മുഖം , മാതൃക പ്രവർത്തനം , പക്വമായ വാക്കുകൾ ,സൽക്കാര പ്രിയൻ
അത്ഭുതപ്പെടുത്തും ഇടപെടലുകൾ തുടങ്ങിയവയെല്ലാം സലാംച്ചയെ അടുത്തറിയുമ്പോൾ പഠിക്കാനാകും.

ഞാനേറെ ബഹുമാനിക്കുകയും സ്നേഹിക്കുകയും ചെയുന്ന നേതാക്കളിൽ ഒരാളാണ് ഇന്ന് കെ എം സി സി കാസറകോട് ജില്ലയുടെ അമരത്തേക്ക് തിരഞ്ഞെടുക്കപ്പെട്ടിട്ടുള്ളത് .
അർഹിക്കുന്ന അംഗീകാരം തന്നെ ...
വെറുതെ കമന്റ് ബോക്സിലെ അലങ്കാരത്തിന് വേണ്ടിയല്ല ഈ വാക്ക് മറിച്ച്
കണ്ടറിഞ്ഞതിലപ്പുറം നിങ്ങൾ അടുത്തറിയുമ്പോൾ അറിയാതെ തന്നെ അടിവര ചേർക്കും ഈ വരികൾക്ക് ..

പാവപ്പെട്ടവന്റെ കണ്ണീരൊപ്പാനും , അശരണർക്ക് അത്താണിയാവാനും , സ്നേഹത്തിന്റെ കൈസ്പർശമേകി കെ എം സി സി മുന്നോട്ട് ഗമിക്കുമ്പോൾ ഇനിയുള്ള നാളിൽ നേതൃ നിരയിൽ ഈ യുവ നേതാവിന്റെ സാന്നിധ്യം ആവേശം പകരുക തന്നെ ചെയ്യും ....
സർവ്വ ശക്തൻ അനുഗ്രഹിക്കട്ടെ - ആമീൻ

സർവ്വ ഭാവുകങ്ങളും

ജംഷീദ് അടുക്കം