സമസ്തയെ ഇനി തങ്ങളുസ്താദ് നയിക്കും

✍🏻ജംഷീദ് അടുക്കം✍🏻

കേരള മുസ്ലിം ഉമ്മത്തിന്റെ ആത്മീയ നേതൃത്വം ബഹു സമസ്ത കേരള ജംഈയത്തുൽ ഉലമയുടെ അമരത്ത് ഇനി ശൈഖുനാ സയ്യദ് ജിഫ്രി മുത്തുക്കോയ തങ്ങൾ...

പ്രവാചക പാരമ്പര്യത്തിലെ ആദർശങ്ങളെ കളങ്കപ്പെടുത്താൻ കച്ചകെട്ടിറങ്ങിയ മൗദൂദിസത്തിനെയും, ഭൗതിക വാദികളുടെ അപവാദങ്ങളെയും ചെറുത്ത് തോൽപ്പിച്ചു വിശുദ്ധ ദീനിൻറെ സംരക്ഷണം ഏറ്റെടുത്ത് മുസ്ലിം ഉമ്മത്തിന് ദിശ ബോധം നൽകി കൊണ്ടിരിക്കുകയാണ് ബഹു സമസ്‌ത കേരള ജംഈയത്തുൽ ഉലമ .
കുശാഗ്ര ബുദ്ധികളും ദീർഘ ദ്രിഷ്ട്ടികളുമായ പണ്ഡിത തേജസ്സുകൾ നേത്ര നിരയിൽ സജ്ജമാണ്, ബഹു വരക്കൽ ബാ അലവി മുല്ലക്കോയ തങ്ങൾ ശിലയിട്ട മഹത് പ്രസ്ഥാനം പ്രാസ്ഥാനിക ഭൂമിയിൽ സമൂല വിപ്ലവം നയിച്ച്‌ മുന്നേറുന്നു.

കളങ്കമില്ലാത്ത ജീവിതവും,തിളങ്ങുന്ന ആത്മീയതയും സമജ്ഞസമായ റഹീസുൽ മുഹഖികീൻ കണ്ണിയത്തുസ്താദും, സൗമ്യതയുടെ പര്യായവും ജ്ഞാനത്തിന്റെ നിറകുടവുമായ റഹീസുൽ ഉലമ കാളമ്പാടി ഉസ്താദും, ജീവിതം അല്ലാഹുവിന്റെ വഴിയിൽ സമർപ്പിച്ച് 90 ന്റെ നിറവിൽ തിളങ്ങിയ സമസ്തയെ നയിച്ച് നാഥന്റെ അരികിലേക്ക് തിരിച്ചു പോയ കോയക്കുട്ടി ഉസ്താദും , ജാമിയയുടെ തിരുമുറ്റത് നിന്ന് അറിവിന്റെ മഹാ സാഗരം തീർത്ത ശൈഖുനാ കുമരംപുത്തുർ ഉസ്താദും നയിച്ച സമസ്തയെ ആത്മീയ വിഹായസ്സിൽ പ്രശോഭിച്ച് നിൽക്കുന്ന അഹ്ലു ബൈത്തിലെ കണ്ണി സയ്യദ് ജിഫ്രി മുത്തുക്കോയ തങ്ങൾ എന്ന തങ്ങൾ ഉസ്താദ് നയിക്കും

സന്തോഷമേറെയാണ്, സമസ്തയുടെ ശബ്ദമായി ഇനി ശൈഖുനാ ഞങ്ങൾക്ക് മുന്നിൽ ഉണ്ടല്ലോ, ശരീഅത്തിനെതിരെ കടന്നു വന്നവർക്കെതിരെ സമസ്ത നടത്തിയ പോരാട്ടത്തിൽ സയ്യിദ് ജിഫ്രി തങ്ങളുസ്താദിന്റെ ശബ്ദം ശ്രേദ്ധേയമായിരുന്നു...

നാഥാ മാഹാനവർകൾക്ക് ദീർഘ കാലം മുസ്ലിം ഉമ്മത്തിന്‌ നേതൃത്വം നൽകാൻ ആഫിയത്തോടെയുള്ള ദീർ ഘായുസ്സ് നൽകി അനുഗ്രഹിക്കേണമെ,...